سهرانة فى يوم رجوعى
يوم ماصابنى سهم غدرك من بعيد
يوم ماشقت جوفى صرخة من لهيب
صرخة سرقت عمر غالى باع لك سنين
صرخة حرقت قلب أبيض كان لك حبيب
** كان لك حنين .... ونبع دافى يروى سهوك
** كان لك خليل ... سابح بحبه فى ليل سهرك
** كان لك حبيب ... حضنك مناه فى يوم وعدك
لـــــــــيــــــــــل طـــــــويــــــــل
ساكن معايا ... كان ليه فى الحب ايه
_ ليل شروقه خوف ولهفة ونهر شوق
وكان غروبه دمعه حائرة تطفى حروق
وصرخ القلب أاااااه
وقال الجرح أاااااااه
أه ياقلبى .. أه ياقلبى ياللى كان حبك منــــــــــــاه
أه ياعمرى .. أه ياعمرى ياللى ضاع ويا الزمان
لـــــــــــــكـــــــــــن .... وحيااااااااااااة السنين** وحيااااااااة قلبى الحزين
لا هابكى على الخاينين ولا من وجع الحنين
ونتوه ويا الزمان
وتضيع ياحب كان
وأه من غدر الزمان
وأنا لاهاقدر أحب تانى ولا هاجرح قلب تانى
وان يوم قلبك ندانى *** هاكدب وأحب تانى
وأسقيه مرى فى حنانى
ويوم ماتروى حنينك
هابعت غدرى فى سهامك
وأسمع صرخة ألااااااااامك
وأصرخ كمان معاك
***
وتصرخ جرحة أيامى ..
ليست هناك تعليقات:
إرسال تعليق